Botaniese Naam: Ocimum bacilicum
Groei seisoen: Somer & lente, Son
Hoogte: 45cm
Pasmaats: Tamaties, Rissies, Oreganum, Petunias, Pietersielie, Aspersies, Appelkose
Algemene eienskappe: Eenjarig, Rypgevoelig
Ontkieming: 7-10 dae
Plant spasiëring: 15-30 cm
Kos gebruike:
Vars basilie blare kan in slaaie, pastas & pizzas gebruik word veral saam met tamaties.
Dit kan ook die laaste 2 minute by warm pastas, roerbraai of ander geregte, gevoeg word.
Een van die smaaklikste pestos word van basiliekruid gemaak.
Resep: Basilie pesto
500ml basilie blare
3 knoffelhuisies
60ml dennepitte of ander neute
60ml olyfolie
Twee eetlepels olyfolie
Sout na smaak
200ml Parmesan kaas gerasper
2 ysblokkies
Metode:
Oor matige hitte plaas 2 eetlepels olyfolie in pan & braai eers dennepitte goudbruin
Dan knoffel ook goudbruin. Haal skil af van knoffel. Laat afkoel
Plaas ysblokkies in voedselverwerker. (Dit help om die kleur van die basiliekruid ‘n mooier
Groen te behou)
Plaas Basilieblare, Knoffel, dennepitte, olyfolie in voedselverwerker en verpulp growwerig
Plaas in bak & meng parmesan kaas by.
Voeg sout na smaak by.
Kan een week in yskas hou.
Indien u dit wil vries, plaas in klein houers maar laat parmesan kaas weg.
Voeg Parmesan kaas by as ontdooi het, net voor opdiening.
Heerlik as n smeer op vleisbroodjies.
Ideale doopsous met ander versnaperings wat doopsous benodig.
Indien persone in gesin allergies is vir neute laat neute weg. Steeds heerlik!